عزيزة .. قريبة .. غالية … اخت الخ الخ الخ

بهالموضوع حابة نوه تنويه ، يعني يمكن كان لازم نحكي عن هالملمح من شخصية كازانوفا قبل هلق ..بس يعني هم التدوينات كلهم مو بالترتيب ..

لحفظ مكانته كازانوفا ادام  المجتمع النسوي ” مكانته كأعزب طبعا ” ، بيقوم باستخدام احد الاسلوبين التاليين اذا كان بدو يعرف عن “حبيبة ” هو على علاقة معها  ادام المجتمع المحيط به بحيث يكونوا البنات كلن بنفس المكانة و ولا وحدة منهن تحس انو احداهن احسن منها .. و انو  في شي شخصة  اهم منها .. او مميزة اكتر منها يعني فينا نقول هالاسلوبين بيساعدو كتير بالتخفيف من نوبات الشك و الغضب و وجع الراس لكازانوفا العزيز

اسلوب رقم واحد ..

انو كل البنات عزيزات و مقربات وغاليات و قريبات فقط لا غير رغم انو ممكن يكون على علاقة معهن و  حب و غرام وكل شي ولكن بقلب المجتمع “اي على صفحات الفيس بوك و في المقاهي و الجامعة و جلسات الاصدقاء”  فهي اما عزيزة او قريبة او  غالية او مقربة لا اكثر ولا اقل هيك ما بتشك الحبيبة بالاخريات “لانو الكل على مسافة واحدة منه ” بس بتتضايق شوي لانو  هي حبيبة سرية بس مش كتير لانو  كما اسلفنا بتدوينة سابقة “هل حبنا غلطة “ بيكون هو منبهها انو نحنا لازم نكون سريين ..

اسلوب رقم اتنين ..

انو كل البنات عمره و حياته و حبيباته  ، فهو  لا ينفك ولا يفتأ عن استخدام هالكلمات للبنات حتى لو كان من  3 دقايق تعرف عليها حبيبتي – حياتي – روحي عمري وهكذا دواليك .. هلق رح تنزعج الحبيبة من هالحركة شوي انو كل البنات عم يقولن حبيبتي  ولكن الشك عندها رح يكون تحت مستوى الخطر بما انه يقول للكل  كما اسلفنا قبل شوي اذا ولا وحدة منهن حبيباته .. حسب ظنها طبعا  ..

الحل الامثل لهيك حالة  انو شو تطالب الحبيبة قصدي انو ماااااااا يقول لحدا حبيبتي روحي و عمري و ما تكون هي متل التانيات عزيزة و  قريبة و غالية .. ” يعني بالعربي الفصيح يحدد موقفه اكتر  ..

ايه و  بس .. اودعناكم ..

Advertisements

5 Responses to “عزيزة .. قريبة .. غالية … اخت الخ الخ الخ”


  1. 1 Carolina April 7, 2010 at 12:49 pm

    بتعرفي يمكن القاعدة اللي بينطلق منها الكازانوفا هي الموقف المش محدد هيدا، سو ما تجي البنت بدها ياه يقضي على كازانوفيّته، شوي مش منطق :lac

    بحب هون، كثّفي الدعاية أكتر : )

  2. 2 manolia April 7, 2010 at 1:02 pm

    معك حق
    ماهي بس طلبت يحدد موقفه رح يكشر عن انيابه و تعرف انو مش حبك نار ولا شي 😀

    عم كثف والله عم كثف 😦 بس بدها بعد اكتر لنشوف

  3. 3 Casanova ;) April 14, 2010 at 9:18 pm

    Hello there I’m glad I’ve stumbled by your website while I’m searching the net. I read your website and couldn’t help myself from laughing don’t get this the wrong way but I was laughing coz I couldn’t believe that one day I will find someone talk about Casanova and his reflection in our days… anyway it sounds you’re madly in love with Casanova and who can blame you… your website speak to itself 😉
    I wish there is a real Casanova here and now in 2010 but the sad truth is we only have shadows of that legend…. I don’t proclaim to be Casanova but here is my understanding to Casanova in Arabic so other people might read and learn.

    كازانوفا رجل يحب المرأة لذلك هو محبوب ةبل قبل المرأة
    كازانوفا رجل صادق في حبه للمرأة هو صديق لها يبتهج بوجودها في هذه الحياة.
    كازانوفا شخص مرح, رومانسي , يؤمن بالحب وحبه كامل للمرأة التي يحبها.
    هو يعلم بأن المرأة تشعر مباشرة معه بأنها في حضرة رجل يحب المرأة, هو رجل يرى جمال المرأة و لا يخاف بأن يشعرها بأنها محبوبة و يفرح و يبتهج عندما يراها سعيدة.
    هو رجل لايشعر بالحاجة لكي يثبت نفسة للأخرين من خلال التباهي ببطولاتة و علاقاته مع النساء, هو رجل كتوم لا يقبل فتاة و يخبر العالم كله بذلك… أبداً.
    علاقاته بالنساء لم تكن من أجل رفع ثقته بنفسه أو اضافة امرأة اخرى الى قائمته بل علاقات مبنية على الاحترام.
    كازانوفا لا يأخذ شيأً من المرأة ولكن دائماً يشارك شيئاً معها.
    خوفه الأكبر أن تراه المرأة كأي رجل أخر لأنه ليس كأي رجل أخر ولا يطمح بأن يكون.
    كازانوفا رجل أذا شعر و لو للحظة بأن المرأة قد ندمت على علاقتها به بأي طريقة كانت أو شعرت بالحزن والأسى فهذا يكسر قلبه لأنه لا يتحمل فكرة أن يخدع امرأة و يجرح مشاعرها.
    و مع ذلك فهو رجل لا يخفي رغبته كرجل… هو رجل لا يدعي المبالاة لكي يدخل الى حياة المرأة من ( تحت لتحت). بالمقابل لايخجل برجولته و حبه للمرأة, يفرح اذا قابلته بالموافقة و يحترم رأيها اذا رفضت.
    كل علاقة جديدة يدخلها بفرح وكأنها أول حب له.
    هل يتألم و يشعر بالخسارة عندما تنتهي العلاقة؟ طبعاً وهذا لايغير من كونه قد أحب هذه المرأة.
    صراحته هي أكثر ما يجذب النساء اليه.
    هو رجل يحب حياته ويؤمن أن كل حياته في جوهرها سحر و أفتتان. لذلك هو يفترض مسبقاً أن كل أمرأة منجذبة له و مهتمة به. ربما يكون افتراض خاطئ بالطبع ولكنه افتراض مفرح و جميل وهذه هي الطريقة التي اختار أن يعيش فيها حياته.
    عندما يتهم بأنه يتلاعب بالنساء لايدافع عن نفسه لأنه يعرف الحقيقة بأنه لا يلعب أبداً بمشاعر أمرأة. انه رجل متصالح مع نفسه, لايوجد شيء كي يثبته للآخرين. لذلك لا يحاول أن يعتذر أو يبرر طريقة حياته. وهو لايريد الغفران أو تعاطف الآخرين ولاحتى ان يفهمه الآخرين.
    هو ليس بحاجة لأن يدافع عن نفسه لأن النساء هم أفضل من يدافع عنه.
    أنه يؤمن أن نيته جيدة و متبادلة من كلا الطرفين. صادق و صريح, لربما أكثر رجل صراحة قد تعرفه امرأة. و أظهرت له المرأة مراراً و تكراراً أن صراحته هي أكثر ما يثيرها فيه.
    بالنسبة له كلهم بناته, كل امرأة هي أمرأته. لدية حب لكل النساء, يرى حزنهم و أحلامهم المتلاشاة ويجعل من هدفه أن يضفي على حياتهم الجمال و الفرح مرة أخرى.
    نعم أنه كازانوفا, رجل شكلته و ألهمته النساء.

  4. 4 manolia April 15, 2010 at 7:29 am

    بتشكرك ع تعليقك هيك اللي بيشبه المرافعة 😀
    مع انو عم يضارب ع المدونة بس حبيته
    :p

    ع فكرة خليني وضح شي
    فكرة وجود كازانوفا بهالمدونة اجت من شي بسيط جدا و الا وهي من شهرته كنسونجي
    اي تنتين بنات بيكونوا قاعدين مع بعض عم يحكوا عن واحد نسونجي اول شي بيقولوا ايه كازانوفا عصره
    شكرا مرة تانية عزيزي المجهول 😉

  5. 5 Casanova ;) April 15, 2010 at 10:27 pm

    بعرف إنك حبيتيه لكازانوفا 😉

    الحقيقة الشكر لألك على هل الموقع اللمهضوم الي ما بيخلا من روح الفكاهة الي بعتبرا أهم شي بالحياة بتمنالك التقدم و النجاح الدائم

    بلنسبة إلي رح ضل رافع عن هل المتهم المسكين كازانوفا وين ما رحت 😀


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s




Protected by Copyscape Duplicate Content Checker

free counters


%d bloggers like this: